Connect with us

Arewa

Sojin Saman Najeriya Sun Hallaka ‘Yan Bindiga Kusan 100 a Jihar Zamfara

Published

on

VOA Hausa

Daraktan watsa labarai na rundunar sojin saman Najeriya Air Commodore Ibikunle Daramola, ya bayyana cewa an kai farmakin ne domin sa kafar wando daya da ‘yan tada kayar baya, da wargaza sansanoninsu domin samar da zaman lafiya a yankin.
Daramola ya ce an kai farmakin mai take ‘OPERATION WUTAR DAJI 2’ da ke karkashin ‘Operation Hadarin Daji’, a dazukan Damborou, Kwuyambana, Dutsen Asolavda kuma Duten Bagai.
Babban Hafsan Sojin Saman Najeriya, Air Marshall Sadique Abubakar wanda yanzu haka yake yankin, ya ce suna samun nasarori a farmakin da suke kai wa kan sansanonin ‘yan bindigar a jihar ta Zamfara.

Hafsan Sojin Saman Najeriya Sadique Abubakar tare da Shugaba Muhammadu Buhari
Hafsan Sojin Saman Najeriya Sadique Abubakar tare da Shugaba Muhammadu Buhari

Abubakar ya ce suna amfani da na’urori da ke gano dukkan maboyar ‘yan ta da kayar bayan, wanda hakan ya ba su damar wargaza su.
Gwamnatin Jihar zamfara ta bakin kakakin gwamnan jihar Zailani Baffa, ta bayyana gamsuwa da yadda sojojin suke ci gaba da aikin fatattakar ‘yan bindigar da suka hana jama’a walwala a jihar.

Continue Reading
Click to comment

Leave a Reply

Your email address will not be published. Required fields are marked *

Trending