Magoya bayan APC da dama sun koma NNPP a Kano

Jam’iyar NNPP ta karɓi magoya bayan jam’iyar APC da dama a jihar Kano.

Mataimakin gwamnan jihar Kano, Aminu Abdul Salam Gwarzo shi ne ya karɓi masu sauya sheƙar ya zuwa jam’iyar ta APC da suka fito daga ƙananan hukumomin Bagwai da Shanono a madadin gwamnan jihar a gidan gwamnatin jihar Kano.

Wata sanarwa da ofishin mataimakin gwamnan ya fitar ta bakin, Ibrahim Garba Shu’aibu ta ce Gwarzo ya jaddada buƙatar fifita haɗin kai a jam’iyar inda ya tabbatar da za a kula da kowa ba tare da nuna bambanci ba.

Gwarzo ya ce gwamnatinsu ta mayar da hankali wajen aiwatar da tsare-tsare da za su amfani al’umma inda ya yi kira ga mutanen jihar su cigaba da basu goyon baya.

Da yake jawabi tun da farko jagoran masu sauya sheƙar, Alhaji Haruna Babangida Abbas (Kosasshe) ya ce ingancin shugabancin gwamna Abba Kabir Yusuf da kuma salon gwamnatinsa na daga cikin dalilinsu na sauya sheƙar ta su.

More News

Yawan Mutanen Da Suka Mutu A Wutar Da Wani Matashi Ya Cinnawa Wani Masallaci A Kano Sun  Karu Zuwa 16

Rundunar ƴan sandan jihar Kano ta ce yawan mutanen da suka mutu sakamakon wutar da wani ya cinnawa wani masallaci a ƙauyen Gadan a...

An fara rushe wasu gine-gine 500 a kasuwar Karmo dake Abuja

Hukumar FCTA dake kula da birnin tarayya Abuja ta fara rushe gine-gine sama da 500 da aka yi ba bisa ka'ida ba a kasuwar...

Tinubu ya tarbi shugaban kasar Senegal Bassirou Faye a fadar Aso Rock Villa

A ranar Alhamis ne shugaba Bola Tinubu ya tarbi shugaban kasar Senegal Bassirou Faye a fadar Aso Rock Villa, a ziyarar da Faye ya...

NEMA ta karɓi ƴan Najeriya 150 da aka dawo dasu gida daga ƙasar Chad

Hukumar Bada Agajin Gaggawa ta Ƙasa NEMA ta ce ta karɓi ƴan Najeriya 150 da aka dawo da su bayan da su ka maƙale...