Connect with us

Hausa

Za a buga wasan Manchester City da Liverpool a gasar Premier a Etihad

Published

on

Mo Salah

Hakkin mallakar hoto
Getty Images

Image caption

Mohamed Salah ya ci wa Liverpool kwallo a wasan da ta yi nasara da ci 3-1 a kan Manchester City a karawar baya da suka yi cikin watan Nuwamba

An bai wa Manchester City izinin karbar bakuncin wasan Premier League da za ta yi da Liverpool ranar 2 ga watan Yuli a Etihad, maimakon filin da bana kowa ba.

Tun farko an tsara yin wasan a gidan da bana kowa ba don daukar matakan kare lafiya ganin magoya bayan kungiyoyin biyu za su iya taruwa a wajen filin Etihad.

Sai dai kuma kawo yanzu mahukuntan birnin City sun gamsu cewar za a iya buga wasan ba tare da wata matala ba.

Liverpool za ta lashe kofin Premier a karon farko tun bayan shekara 30 idan har City ta kasa doke Chelsea ranar Alhamis a Stamford Bridge.

An hana magoya baya su halarci karawar da ake yi ba ‘yan kallo ko kuma su taro a bayan ginin filin wasan saboda tsoron yada cutar korona.

Ranar 17 ga watan Yuni aka ci gaba da wasannin Premier League, wacce aka dakatar da ita tun cikin watan Maris.

Trending