Jami’an yan sanda sun samu nasarar kama masu safara da sayar da makamai a jihar Filato dama wasu sassan kasarnan.
An kama mutanen tare da bindiga kirar AK-47 guda hamsin da harsashi mai tarin yawan gaske.
Mutanen da aka kama sun hada da Hamza Zakari(Hazo) mai shekaru 20, Abubakar Muhammad ( da ake kira Fancy) da Umar Ibrahim mai shekaru 25 da kuma Muhammad Abdulkarim da aka fi sani da Dan Asabe mai shekaru 33 dukkanin su mazauna birnin Jos an kama su ne bayan da aka samu bayanan sirri akan ayyukan da suke aikatawa a Jos da kewaye.
Mutanen na daga cikin manyan masu samar da makamai ga bata gari a Jos dama sauran sassan kasar nan daban-daban.
Har ila yau rundunar yan sandan ta samu nasarar kama wasu mutane uku da suke sayar da bindigogi a jihar Taraba.
Mutanen sun hada da Bello Sani, Venet Puncab da kuma Yusuf Nahoda dukkansu na zaune ne a karamar hukumar Ibbi ta jihar Taraba.
