Wasu da ake zargin yan bindiga ne sun kashe DPO na caji ofis din yan sanda dake kauyen Gidan Madi a karamar hukumar Tangaza ta jihar Sokoto.
Har ila yau sun kashe karin wani dan sandan kafin su yi awon gaba da wasu matan wani fitaccen dan kasuwa a yankin.
Rahotanni sun nuna cewa maharan sun kai harin ne da misalin karfe daya na dare.
Yan bindigar sun kashe yan sandan ne a harin kwanton bauna da suka yi musu lokacin da suka yi kokarin kwato matan.
