Akalla mutane 11 ne suka mutu wasu takwas kuma suka jikkata a wani mummunan hatsarin mota da ya faru a Aiyere dake kan hanyar Bode Saadu zuwa Ilorin a karamar hukumar Moro ta jihar Kwara.
Majiyoyi sun bayyana cewa hatsarin ya faru ne 4:50 na dare sakamakon gudun ganganci da kuma kokarin wuce wata mota.
Wata mota kirar Toyota Hummer da ta taso daga jihar Gombe akan hanyarta ta zuwa Lagos ta ci karo da wata babbar mota a lokacin da take kokarin wuce wata mota.
Hukumar FRSC dake kiyaye faruwar haÉ—ura a Najeriya ta tabattar da faruwar hatsarin.
Mai magana da yawun FRSC a jihar Kwara Olayinka Bisambo ta ce ” Mutane 18 dukkansu maza hatsarin ya rutsa da su kuma abin bakin ciki 11 daga ciki sun mutu ayayin da aka ceto mutane 7 da suka samu raunuka daban.”
Ta kara da cewa an gazarzaya da wadanda suka jikkata ya zuwa asibitin Ifeoluwa dake Bode Saadu domin samun kulawar likitoci.
