Majalisar wakilai ta gayyaci tsohon ministan sifirin jiragen sama, Hadi Sirika kan shirin da aka yi na samar da jirgin sama na Najeriya Air.
Ana sa ran tsohon ministan zai yi wa yan majalisar bayani kan inda aka kwana a batun samar da jirgin a lokacin da ya sauka daga kan mukaminsa.
Har ila yau Sirika zai yi karin haske kan abubuwa da dama da suka dabaibaye batun samar da jirgin.
Majalisar wakilan ta kuma gayyaci ministan ma’aikatar na yanzu, Festus Keyamo da kuma shugaban hukumar NCAA da kuma kamfanonin jiragen sama na cikin gida.
