Kotun daukaka kara dake Sokoto ta soke zaben sanata, Abubakar Tambuwal mai wakiltar mazabar kudancin Sokoto da kuma na, Aliyu Shehu wakili a majalisar wakilai ta tarayya mai wakilatar kananan hukumomin, Bodinga/Dange Shuni/ Tureta dukkansu yayan jam’iyar APC.
Kotun ta bayar da umarnin bada shedar cin zabe ga Ibrahim Danbaba a matsayin sanata da kuma Balarabe Kakale a matsayin dan majalisar wakilai ta tarayya.
Yan takarar na jam’iyar PDP sun daukaka kara kan hukuncin da kotun sauraren kararrakin zabe tayi da ya tabbatar da zaben sanata Tambuwal da kuma dan majalisa Aliyu Shehu.
Da yake gabatar da hukuncin ranar Laraba, alkalin kotun Federich Oho ya ce daukaka karar Danbaba da Kakale ta yi nasara.
