Connect with us

Hausa

Cutar Ebola ta fara bazuwa makwabta

Published

on

wasu ma'aikatan lafiya a asibitin Ebola

Hakkin mallakar hoto
Reuters

Image caption

Kusan mutane 1,400 cutar Ebola ta kashe kwanan nan a Jamhuriyar Dumokuradiyyar Kongo

Hukumar Lafiya ta Duniya ta tabbatar cewa annobar cutar Ebola wadda ta barke a Jamhuriyar Dumokuradiyyar Kongo, ta bazu zuwa makwabciyar kasar, Uganda.

Ma’aikatar lafiya ta Uganda da Hukumar Lafiya ta Duniya sun ce, a yanzu haka ana yi wa wani yaro dan shekara biyar wanda ya fito daga Kongon ya tsallaka zuwa Uganda wanda kuma yake dauke da cutar, magani.

Yaron ya shiga Uganda ne tare da sauran ‘yan uwansa , ranar 9 ga watan nan na Yuni, kuma a yanzu ana masa magani a wani asibiti da ke bangaren Uganda ta iyakar kasashen biyu.

  • Bincike: Masu cutar Ebola na samin tabin hankali
  • Gwamnati ta tuhumi Sheikh El-Zakzaky da laifin kisan kai

Daman dai wannan bazuwa ta cutar Ebola daga Jamhuriyar Dumokuradiyyar Kongo zuwa wata kasa makwabciya, abu ne da aka dade ana tsammani, musamman ganin yadda aka jima ana ta gargadi da ankarar da jama’a, sai kuwa ga shi kwatsam ta tabbata.

Tuni dai aka tura masu bayar da agajin gaggawa kan cutar, zuwa wannan yanki domin gano ko akwai wani da shi ma ya kamu da ita ko yake cikin hadarin kamuwa da cutar.

Daman tuni hukumomin Ugandar da hadin guiwar kungiyar agaji ta Save the Children sun ce sun riga sun ba wa ma’aikatan lafiya da masu aikin sa-kai hadi da malaman makaranta sama da dubu hudu horo da riga-kafin cutar, da kuma ba su kayayyakin aiki na maganinta ko da ta ka iya kunno kai kasar.

A shekarar da ta wuce ne annobar cutar mai saurin kisa ta barke sosai a Jamhuriyar Dumokuradiyyar Kongo, kuma zuwa yanzu ta hallaka sama da mutane 1400, bayan wasu sama da 2000 da ta kama.

A yau Laraba ne za a yi wani zama na tattaunawa tsakanin jami’an Jamhuriyar Dumokuradiyyar Kongon da Uganda, domin yanke shawarar ko za a kai ‘yan uwan yaron wadanda suke Uganda zuwa wata cibiya ta musamman kan cutar a Kongon domin sanya ido a kansu.

Cutar Ebola dai tana haddasa zubar da jini a cikin mutum da zazzabi mai karfi da kuma amai.

Facebook Comments
Advertisement
Click to comment

Leave a Reply

Your email address will not be published. Required fields are marked *

Hausa

Ina Neymar, Eriksen, Varane, Vorm, Mustafi, Ibe, Bravo za su tafi? | BBC Sport

Published

on

Neymar

Hakkin mallakar hoto
Getty Images

Image caption

Juventus ta fara farautar Neymar

Barcelona na shirin karbar aron Neymar mai shekara 27 daga Paris St-Germain a wannan makon da nufin sayen dan wasan idan an sake bude kasuwar musayar ‘yan wasa. (ESPN)

Juventus ta shiga sahun manyan kungiyoyin da ke bukatar Neymar, inda ta fara tattaunawa da PSG domin karbar dan wasan na Brazil. (AS)

Barcelona ba ta shirya yin watsi da burin dawo da Neymar ba a Camp Nou. (Marca).

PSG ta fi son ta ba Real Madrid Neymar don ta karbi dan wasan baya na Faransa Raphael Varane, mai shekara 26, da kuma matashin dan wasa Vinicius Jr. (Telefoot, via Sun)

Dan wasan Tottenham na Denmark Christian Eriksen, mai shekara 27, ya ce yana sha’awar komawa Barcelona ko Real Madrid ko Juventus. (ESPN)

Arsenal za ta bar dan wasan Jamus Shkodran Mustafi, mai shekara 27 ya koma Roma a matsayin dan wasan aro amma da nufin sayar da shi kan fam miliyan £23m. (Forza Roma, via Sun)

Golan Chile Claudio Bravo, mai shekara 36 zai bar Manchester City a karshen kaka. (Sun)

Ole Gunnar Solskjaer ya nanata cewa Paul Pogba, mai shekara 26, ba zai bar Manchester United ba. (Sky Sports)

Facebook Comments
Continue Reading

Buhari

Tsokacin masana game da kalaman Buhari a taron ministoci

Published

on

Fadar shugaban Najeriya ta shirya taron sanin makamar aiki ga sabbin ministoci da shugaban ya nada domin gudanar da gwamnati a zango na biyu.

Yanzu haka masu fashin baki a fannin siyasar Najeriya na tsokaci game da kalaman da shugaban kasar ya yi a lokacin da ya gabatar da jawabi a wurin taron sanin makamar aikin ga asabbin ministocin da ya nada.

Batutuwan da shugaban na Najeriya ya tabo, a wurin taron, sun hada da bitar nasarorin zangon farko na gwamnatinsa da kalubalen yawan jama’a da Najeriya ke fuskanta da mafarkin gwamnatinsa na aza tubalin fitar da matalauta miliyan 100 daga kangin fatara cikin shekaru 10 masu zuwa.

Shugaban ya kuma tabo batun bukatar da ke akwai ga sabbin ministocin su hada hannu wuri guda ta fuskar tsarawa da aiwatar da manufofin cimma burin gwamnati a ma’aikatun da za su jagoranta.

Sai dai masu kula da lamura sun yi tsokaci game da lafuzzan shugaban.

Kwamared Kabiru Sa’idu Dakata, shugaban kungiyar CAJA masu rajin tabbatar da adalci kawar da rashawa da kuma alkinta dukiyar kasa, ya ce bayannan shugaban sun saka shakku a zukatan jama’ar kasar.

Ya kuma kara da cewa jawabin nasa ya nuna cewa ita gwamnati ba ta da shirin da za ta kai kasar ga inda ta ce za ta kai ta.

Shi ma masanin kimiyyar siyasa da harkokin dimokaradiya, ya yi tafsili game da kalaman na shugaba Buhari.

Malam Kabiru Sufi, malami ne a kwalejin share fagen shiga Jami’a ta Kano, ya kuma ce jama’a suna jiran su ga an fitar da wani daftari ko wani babban kudiri da ya wuce wanda aka fitar a halin yanzu.

Yanzu dai ‘yan Najeriya na dakon ganin kamun ludayin sabbin ministocin bayan shugaba Buhari ya tura su ma’aikatun da za su yi wani lokaci a nan gaba.

Facebook Comments
Continue Reading

Buhari

Najeriya za ta daukaka kara kan shari’arta da P&ID a Birtaniya

Published

on

Muhammadu Buhari

Hakkin mallakar hoto
Buhari Sallau

Gwamnatin Najeriya ta ce tana duba yiwuwar kama wasu jami’ai da ta ke zargi da hannu a wani hukuncin kotun Birtaniya da ya bukaci sai ta biya wani kamfani tsabar kudi har dala biliyan 9, saboda saba yarjejeniya da suka kulla.

Wata kotun London ce ta umarci gwamnatin Nijeriya a ranar Juma’a ta biya kamfanin Process & Industrial Developments Ltd (P&ID) wadannan makudan kudi ta hanyar kwace kadarorinta.

Mai magana da yawun shugaban Najeriya Malam Garba Shehu, ya ce batun tsohuwar shari’ah ce da jami’an gwamnatocin baya suka gaza wajen daukaka kara, har damar ta rufe.

“Masu mulki a wancan zamani ba su daukaka kara ba har kofa ta tsoshe,” in ji shi.

Ya kuma ce gwamnatin Buhari ta yi kokarin tunanin matakin da za ta dauka don jinkirta aiwatar da hukuncin domin bude kofar ta daukaka kara amma kotun a Ingila ta ce ba zata bayar da wannan dama ba.

Ya zargi jami’an gwamnatin baya da yin sakaci kan abin da ya kira hadin bakinsu don a cuci Najeriya har suka bari abu ya kasance haka.

Ya ce duk da gwamnati za ta daukaka kara amma abu na farko da za a yi shi ne duk wani wanda aka san da hannunsa a cikin wannan hadin baki don a cuci Najeriya tare da wani kamfani na kasar waje, gwamnati za ta sa a kamo su kuma za ta dauki mataki akansu.

Wata sanarwa a shafin intanet na kamfanin ta ce yarjejeniyar ta ba shi damar gina wata katafariyar masana’ntar gina sarrafa iskar gas wadda Najeriya za ta karba kyauta don bunkasa lantarki a kasar.

Amma kamfanin ya ce ya fuskanci karin kudin ruwa a kullum saboda rushewar yarjejeniyar, batun da lauyoyin gwamnatin Najeriya suka ce ya wuce hankali.

Tun farko a 2017 kotu ta bukaci Najeriya ta biya kamfanin kusan dala biliyan shida da rabi kafin yanzu kuma kotun London ta kara dala biliyan biyu da miliyan dari hudu.

jimillar kudin dai ta kai kwatankwacin kashi 20 cikin 100 na dukiyar da Najeriya ta ce ta tara na lalitar kudadenta na kasashen ketare wato dala biliyan 45.

Facebook Comments
Continue Reading
Advertisement
Advertisement

Trending

%d bloggers like this: