Sojoji Sun Kama Mutane Biyu Bisa Zargin Fqshi da Kisqn Makiyaya a Benue

Sojojin Gamayyar Hadin Gwiwar Tsaro ta Operation Whirl Stroke (OPWS) sun kama mutane biyu da ake zargi da fashi ga makiyaya da kuma kashe wasu makiyaya a Jihar Benue.

Lieutenant Ahmad Zubairu, mai magana da yawun OPWS, ya bayyana haka a wata sanarwa da aka raba wa ‘yan jarida a Makurdi ranar Litinin.

A cewar sanarwar, “A ranar 15 ga Fabrairu, 2026, sojojin OPWS sun samu labarin cewa wasu makiyaya biyu sun shiga hatsaniya a ƙauyen Amua, dake Guma LGA. Lokacin da sojoji suka isa wurin, an sami ɗaya daga cikin makiyayan ya mutu, yayin da ɗayan ya jikkata sakamakon harbin bindiga.”

An gaggauta kai wanda ya jikkata zuwa Keana a Jihar Nasarawa domin samun kulawar lafiya. An mika gawar mamacin ga wakilan al’umma don jana’iza bisa al’adar gargajiya.

A ranar kuma, sojoji a Ukpiam, bisa bayanan matasa masu lura, sun kama wani matashi mai shekaru 23, Terngu Aondohemba, wanda ya amsa laifin kashe shanu biyu na makiyayan Fulani. Ya kuma bayyana wasu abokan aikinsa guda biyu, Akpehe da Ashinge, wadanda har yanzu ba a kama ba.