Wasu masu cin gajiyar shirin gwamnatin tarayya na N-Power a ranar Litinin sun koka kan yadda ake ci gaba da biyan su alawus-alawus din N30,000.
Wadanda suka ci gajiyar tallafin da suka zanta da Kamfanin Dillancin Labarai na Najeriya, NAN, a wasu tattaunawa daban-daban a Abuja, sun ce ci gaba da biyan kudaden alawus-alawus din na kowane wata na kara zama abin damuwa.
Mista Francisco Noah, wanda ya ci gajiyar sashen N-Teach na Batch C1, wanda ke koyarwa a makarantar makiyaya da ke garin Keffi a jihar Nasarawa ya ce jinkirin da aka samu ya sa ya daina zuwa makarantar.
Ya ce yanayin yana da matukar wahala a gare shi domin wani lokacin kudin sufuri yakan yi masa wuya ya je makarantar makiyayan.
Noah wanda ya nuna rashin jin dadinsa kan jinkirin ya ce karo na karshe da ya samu alawus din shi ne a watan Nuwambar 2022.
