Mataimakin shugaban ƙasa, Kashim Shettima ya jagoranci tawagar Najeriya a wurin babban taron Majalisar Dinkin Duniya da ake gudanarwa a hedkwatar majalisar dake birnin New York na ƙasar Amurka.
Shettima ya halarci taron a madadin shugaban ƙasa Bola Ahmad Tinubu wanda ya bayyana cewa ba zai samu halartar taron ba saboda zai mayar da hankali wajen wasu ayyuka da suka sha kansa.
