Har yanzu ana cigaba da aikin ceto bayan kwalwkwale ya kife da mutum sama da 30 a Jihar Jigawa
Haɗarin kwalekwalen ya abku ne a daren jiya Lahadi a ƙauyen Kalgwai na ƙaramar hukumar Auyo.
Mutanen sun gamu da ajalin su ne a hanyar su ta dawowa daga cin kasuwar garin Gujungu na karamar hukumar Taura cikin dare inda jirgin kwale kwale da suke ciki ya kife.
Jirgin ya kife da mutane 30 amma zuwa yanzu an tabbatar da mutuwar mutane uku ciki har da jariri, a lokacin da ake cigaba da aikin ceto yayin da ake cigaba da neman wata mace.
