Mary Amaechi mahaifiyar, Rotimi Amaechi tsohon gwamnan jihar Ribas kuma ɗantakarar mataimakin shugaban ƙasa a jam’iyar ADC ta mutu.
A wata sanarwar da ofishin yaɗa labarai na tsohon gwamnan ya fitar ta ce Mary ta mutu tana da shekaru 89 a duniya.
“Marigayiya Mary dattijuwa ce da ake mutuntawa wacce ta haɗe kan iyalanta wuri guda cikin ƙauna, zaman lafiya da kuma haɗin kai,” a cewar sanarwar.
Sanarwar ta cigaba da cewa marigayiyar mace ce da al’umma su ke matuƙar girmamawa tare da ƙauna kuma za a cigaba da tunawa da ita kan irin taimakon da take yiwa mutanen da suke tare da ita.
Ofishin yaɗa labaran ya ce nan gaba kaɗan za a sanar da shirin bikin jana’izarta.
