Jam’iyyar hamayya ta ADC ta sanar da fara sayar da fom ɗin takara domin muƙamai daban-daban gabanin babban zaɓen ƙasar na 2027.
A cikin wata sanarwa da kakakin jam’iyyar na ƙasa, Bolaji Abdullahi ya fitar, ya bayyana cewa kuɗin fom ɗin takarar shugaban ƙasa ya kai naira miliyan 100.
Sanarwar ta kuma nuna cewa jam’iyyar ta tsara gudanar da zaɓukan fidda gwani, inda za a yi na shugaban ƙasa ranar 25 ga watan Mayu.
Hakazalika, an sanya kuɗin fom ɗin takarar gwamna kan naira miliyan 50, na sanata miliyan 20, na ɗan majalisar tarayya miliyan 10, yayin da na ɗan majalisar jiha ya kai naira miliyan uku.
Jam’iyyar ta kuma sanar da rangwamen kashi 50 cikin ɗari ga matasa, tare da kashi 75 ga mata da masu buƙata ta musamman.
ADC Ta Fara Sayar Da Fom Din Takara Gabanin Zaben 2027
