Connect with us

Hausa

Kare ya ceto jaririn da aka binne da rai

Published

on

Karen da ya ceto wani jariri

Hakkin mallakar hoto
KHAOSOD

Wani kare a arewacin kasar Thailand ya kubutar da wani jariri sabuwar haihuwa daga wani rami da aka binneshi da rai.

Ana dai zargin mahaifiyarsa ce wadda ta ke da shekara 15 ce ta binne shi.

Yarinyar ta yi hakan ne saboda gudun kada iyayenta su ga jaririn saboda ba su san ta na da juna biyu ba ma ballantana haihuwa.

Mutumin da ya ke da karen, ya ce karen nasa da ya ke kira Ping Pong, ya gano jaririn ne a lokacin da ya ke tona wani rami a wani fili, inda daga nan ne sai ya ci karo da kafar yaron.

Daga nan ne sai ya yi ta haushi har ubangidansa ya gane lallai akwai wani abu da ya ke so sai ya zo wajensa anan ne kuma ya ga har karen ya yi kokari ya janyo kafar jaririn don a gani.

Anan ne ubangidan karen ya maza ya zaro jaririn daga cikin ramin ya kuma garzaya dashi zuwa wani ofishin ‘yan sanda da ke kusa da su.

Nan da nan ba a bata lokaci ba aka garzaya da shi zuwa asibiti aka duba shi aka masa wanka, sannan kuma likitoci suka tabbatar da cewa yana cikin koshin lafiya.

An dai gudanar da bincike, inda daga baya aka gano mahaifiyar jaririn, wadda yanzu haka aka kai ta gidansu gaban iyayenta tare da jaririn nata.

Yanzu dai jaririn na samun kulawar kakanninsa da kuma mahaifiyarsa, kuma tuni ta yi nadamar abinda ta aikata.

Ubangidan karen ya shaida wa wasu manema labarai cewa, karen nasa ya rasa kafa guda bayan da mota ta kade shi, amma kuma duk da haka yana tare da shi saboda biyayyarsa, da kuma yadda yake taimaka wajen kiwon dabbobinsa.

Hakkin mallakar hoto
KHAOSOD

Ya ce, mutanen kauyensu suna son karen sosai.

Facebook Comments

Arewa

Abba Kyari ya kama masu garkuwa da mutane 81 da ke addabar titin Abuja-Kaduna – AREWA News

Published

on

Hazikin ‘Dan sanda DCP Abba Kyari Sarkin Yaki, dodon masu garkuwa da mutane, babban kwamandan rundinar ‘yan sanda kwararru na IGP-IRT ya samu nasaran farautar wasu gungun masu garkuwa da mutane da suka addabi hanyar Kaduna zuwa Abuja, da kuma masu aikata miyagun laifuka a cikin garin Abuja da kewaye, da kuma wasu daga jihar Taraba

A cikin wadanda aka kama akwai manyan yaran Shu’aibu Dan Kaduna, kuma sune suka addabi hanyan Kaduna da Abuja, amma shi Shu’aibu ya rasa ransa a wani artabu tsakaninsa da ‘yan sanda kwanaki kadan da suka gabata.

Wasu daga cikin wadannan da aka kama kuma sune suka kashe Jami’an ‘yan sanda Inspector Patrick Yuhana da wasu ‘yan sanda a watan August da ya gabata, tsakanin hanyar Abuja da Kaduna, sai kuma ‘yan dafara ta yanar gizo guda goma (10), wato “Internet fraudsters, harda ‘dan kasar Ghana a cikinsu.

Ansami bindigogi kirar AK47 guda takwas (8) da harsashi guda dari uku da arba’in da bakwai (347), da wasu manyan makamai guda 15, Computer guda goma (10), da zunzurutun kudi naira million goma (N10,000,000) wanda suke karba kudin fansa a hannun wadanda suke kamawa.

‘Yan ta’adda kun shiga uku wallahi!, duk ‘dan da yace uwarsa ba zatayi bacci ba, to shima ba zaiyi bacci ba, babu gurbin buya ga masu aikata miyagun laifuka a Nigeria da iznin Allah Jinjina ga DSP Maibindiga, ASP Abdurrahman Muhammad Ejily da sauran dakarun IRT

Muna rokon Allah Ya tsare mana DCP Abba Kyari tare da jama’arsa, Allah Ka kara musu nasaran da tafi wannan. Amin.

Facebook Comments
Continue Reading

Hausa

Sojoji ‘sun tursasa wa wasu ‘yan Kenya iyo a ruwan ba-haya’

Published

on

Ruwan kwata

Hakkin mallakar hoto
Getty Images

Wasu ‘yan kasar Kenya sun shiga shafin Twitter don bayyana fushinsu kan wani rahoton da wata jaridar kasar, Standard Newspaper, ta wallafa cewa wasu sojoji sun ci zarafin wasu mazauna birnin Mombasa da ke bakin ruwa, a ranar Lahadi a lokacin da ake bukukuwan ranar gwarzaye.

An tsaurara matakan tsaro a birnin, a yayin da kasar ke bukukuwan wanda shugaban kasar, Uhuru Kenyatta, da wasu manyan kusoshin gwamnati suka halarta.

Jaridar ta wallafa rahoton da ke cewa an tursasa wa wasu mazauna birnin yin ninkaya a cikin ruwan ba-haya, yayin da kuma aka tursasa wa wasu zama a cikin tabo.

Wasu kuwa mazauna yankin sun yi zamansu ne a gida, saboda tsoron ka da sojoji su muzantasu, a cewar rahoton.

Sai dai kawo yanzu sojojin ba su ce komai ba game da zarge-zargen.

Wani matashi mai shekara 23 a duniya wanda ake kira Chikore, ya shaida wa jaridar cewa, yana kan hanyarsa ce ta zuwa wajen taron bikin lokacin da sojoji suka tsayar da shi saboda basu yarda da shi ba.

“Sun yi kokawa da ni har suka kaini kasa, daga nan kuma suka sa na yi iyo a cikin ruwan ba-haya. Na yi kokarin gudu amma sai suka buga mini gindin bindiga,” In ji shi.

Masu mu’amala da shafin Twitter sun bayyana wannan lamarin da cewa “abin kunya ne” kuma “abin kyama”:

Facebook Comments
Continue Reading

Arewa

Kaduna: An kubutar da babban dan sanda daga hannun masu satar mutane

Published

on

Wani dan sandan Najeriya

Image caption

‘Yan sanda a jihar Kaduna, Najeriya, sun ce an yi nasarar kubutar da babban jami’in dan sandan nan da aka sace, ACP I. Musa, mai lakabin Rambo, a kan hanyar Kaduna zuwa Jos a karshen mako.

Mai magana da yawun rundunar DSP Yakubu Sabo ya ce an kubutar da babban dan sandan ne tare da direbansa ba tare da ko rauni ba.

Sai dai a tattaunawar da ya yi da BBC kakakin ya ki bayyana yadda aka yi nasarar kubutar da mutanen biyu, illa dai ya ce sai a nan gaba ne za su yi wannan bayani.

Game da cewa ko an yi wani dauki-ba-dadi da wadanda suka sace jami’an ‘yan sandan biyu,

ganin yadda a cikin dan lokaci da sace su har aka yi nasarar ceto su,

musamman ma a yadda ake ganin masu satar jama’a na da makamai, sai ya danganta hakan da irin kokarin jami’an tsaro.

Hakkin mallakar hoto
Inpho

DSP Sabo ya ce ba a wannan lokacin ba ne kadai aka taba yin irin wannan nasara ta saurin ceto wasu da aka sace cikin gaggawa ba.

Ya ce abu ne da ya dogara da yanayin aiki, wani lokacin a samu nasara da wuri wani lokacin kuma yakan dauki lokaci.

Game da yadda ake ganin ‘yan bindiga na yawan satar mutane da kai hare-hare a jihar ta Kaduna,

a matsayin wata alama ta tabarbarewar tsaro a jihar, mai magana da yawun ‘yan sandan ya ce abin ba haka yake ba, domin ba kasar da ba a aikata laifuka.

Ya ce sai dai kawai idan abu ya yi yawa yana tayar da hankalin mutane, wanda kuma rundunar ta yin duk abin da ya kamata domin maganin matsalar.

Ya kara da cewa sakamakon irin matakan da suke dauka a yanzu ba a yawan satar mutane a titin Kaduna zuwa Abuja, da sauran hare-hare da ake kai wa jama’a a jihar.

Ya ce yawanci ma a yanzu masu aikata irin wadannan laifuka sun koma wasu jihohi da ke makwabtaka da Kaduna ne, inda ya bayar da misalin iyakar jihar da Nasarawa ya ce a yanzu wasu a irin wadancan yankuna da ke da iyaka da Kaduna ake laifukan.

Sai dai ya ce akwai bukatar sauran jihohi masu makwabtaka da Kaduna su hada hannu domin maganin matsalar.

Facebook Comments
Continue Reading

Trending

© Copyright 2019 - AREWANG Media Limited