Rundunar sojojin Najeriya tare da hadin gwiwar ‘yan sanda sun ceto wasu mambobin yi wa kasa hidima, NYSC, da wasu ‘yan bindiga suka yi garkuwa da su a unguwar Yargoje da ke karamar hukumar Kankara a jihar Katsina.
Daraktan hulda da jama’a na rundunar, Brig.-Gen. Onyema Nwachukwu, ya bayyana hakan a cikin wata sanarwa ranar Juma’a a Abuja.
Mista Nwachukwu ya ce jajircewar da jami’an tsaro suka yi ne ya sa aka ceto wadanda aka sace tare da dawo da su lafiya a ranar Alhamis.
Ya ce barayin sun yi awon gaba da ‘yan kungiyar ne a lokacin da suke kan hanyar Edo zuwa jihar Katsina.
