Connect with us

Hausa

Hotunan bikin ranar demokradiyya a Najeriya

Published

on

Najeriya ta yi bikin ranar Demokradiyya ran 12 ga Yuni, don tunawa da sahihin zabe na farko da aka fara yi a kasar ran 12 ga watan Yunin 1993, shekaru goma bayan mulkin soja.

Ga wasu daga cikin hotunan abubuwan da suka faru a lokacin bikin.

Hakkin mallakar hoto
FACEBOOK/BUHARI SALLAU

Shugaba Muhammadu Buhari da matarsa Aisha Buhari da Mataimakin Shugaban Farfesa Yemi Osinbajo da matarsa Dolapo Osinbajo da sabon Shugaban majalisar dattawa Sanata Ahmad Lawan da sauran manyan baki a wajen bikin.

Hakkin mallakar hoto
Getty Images

Daya daga cikin masu nishadantar da mutane a lokacin da take taka rawa a Dandalin Eagle Square da ke birnin Abuja.

Hakkin mallakar hoto
Getty Images

Shugaban Najeriya Muhammadu Buhari, a lokacin da ake tuka shi a mota inda ya ke duban masu faretin girmamawa a Dandalin Eagle Square.

Hakkin mallakar hoto
FACEBOOK/BUHARI SALLAU

Wasu daga cikin manyan baki da suka halarci taron bikin ranar demokradiyyar har da ‘yan kasashen waje.

Hakkin mallakar hoto
Getty Images

Faretin ‘yan sanda a lokacin bikin ranar demokradiyya a Abuja, babban birnin Najeriya.

Hakkin mallakar hoto
Getty Images

Shugaban Najeriya, Muhammadu Buhari yana gaisawa da shugaban Rwanda Paul Kagame a lokacin bikin. Daga bayansu kuma tsohon shugaban majalisar dattawan Najeriya ne Ken Nnamani da wasu manyan baki.

Hakkin mallakar hoto
Getty Images

Wasu sojoji suna fareti a gaban Shugaba Muhammadu Buhari yayin da shi kuma yake kallonsu a Dandalin Eagle Square a lokacin bikin.

Hakkin mallakar hoto
FACEBOOK/BUHARI SALLAU

Wasu ‘yan rawa suna nishadantar da ‘yan kallo a filin da aka gudanar da bikin a Abuja.

Hakkin mallakar hoto
FACEBOOK/BUHARI SALLAU

Shugaba Muhammadu Buhari a lokacin da yake jawabi a Dandalin Eagle Square.

Hakkin mallakar hoto
FACEBOOK/BUHARI SALLAU

Sufeto Janar na ‘yan sandan Najeriya, Mohammed Abubakar adamu yana sara wa Shugaba Muhammadu Buhari.

Facebook Comments
Advertisement
Click to comment

Leave a Reply

Your email address will not be published. Required fields are marked *

Arewa

Najeriya ta rufe ofishin kungiyar Action Aid kan Boko Haram | BBC Hausa

Published

on

Aid bags

Hakkin mallakar hoto
Getty Images

Rundunar sojin Najeriya ta dakatar da ayyukan kungiyar agaji ta kasa da kasa, Action Aid mai yaki da talauci bisa zargin kungiyar da hannu wajen samar wa Boko Haram abinci da magunguna.

Rundunar ta ce ta gargadi kungiyar agajin kan agazawa Boko Haram a yankin arewa maso gabashin kasar.

Action Against wacce ta musanta zarge-zargen, ta ce taimakon take samar wa mutanen da rikici ya shafa na fuskantar kalubale.

Rikicin kungiyar ‘yan-tada-kayar-bayan da aka shafe shekara 10 ana yi ya halaka mutane sama da 30,000.

Fiye da mutum miliyan biyu kuma sun rasa matsugunansu.

Wata gamayyar kungiyoyin farar hula na taimakawa gwamnati wajen agazawa mutanen da aka tilastawa barin gidajensu.

A shekarar 2018, rundunar sojin kasar ta taba zargi hukumar kula da kananan yara ta MDD, UNICEF da zama ‘yar leken asirin masu tada-kayar-baya, abin da ya sa ta haramta kungiyar wacce a nata bangaren ta musanta zarge-zargen.

Sai dai daga baya, gwamnatin ta janye haramcin.

Cikin wata sanarwa, Action Aid ta ce tana samar da taimako ne ba tare da wata manufa ta daban ba ga miliyoyin mutane a jihar Borno ta hanyar samar masu da kayayyakin agaji ga mutanen da rikici ya fi shafa musamman mata da yara kanana.

Kungiyar ta ce sojoji, ba tare da wata sanarwa ba, sun bukaci ta rufe ofishinta da ke birnin Maiduguri a jihar Borno.

Cikin watan Yuli, Action Aid wacce ke da mazauni a Paris ta ce ma’aikatan ta masu ba da ceto sun shiga hannun masu garkuwa a Najeriya.

An ga ma’aikatan shida cikin wani bidiyo, inda daya daga cikinsu take kira ga gwamnatin kasar da al’ummar kasar waje da su sa baki a kubutar da su.

Kawo yanzu, babu wanda ya san inda ma’aikatan suke.

Babu kuma wata kungiya da ta fito ta ce ita ce ta sace ma’aikatan.

A shekarar 2015, Boko Haram ta kwace iko da kaso mai tsoka na Borno abin da ya ba ta damar fadada ayyukanta zuwa makwabtan kasashe.

Yakin kawo karshen masu tada-kayar-baya da sojoji suka kaddamar ya sa gwamnati kwato mafi yawan yankunan da suka fada hannun Boko Haram.

Sai dai a baya bayannan, masu tada tarzomar sun fadada kai harin kunar bakin wake da sace-sacen jama’a domin cimma muradunsu.

Daya daga cikin hare-hare mafi muni da ta kai shi ne kan makarantar ‘yan mata ta Chibok da ke arewa maso gabashin kasar lokacin da aka yi garkuwa da dalibai ‘yan mata 276.

Da yawa daga cikinsu sun kubuta, amma dai har yanzu ba a kai ga gano inda wasu 100 suke ba.

Rahotanni na cewa tun daga 2013, Boko Haram ta sace mutane fiye da 1,000.

Facebook Comments
Continue Reading

Arewa

Muna jan hankalin gwamnatin Kaduna kan rushe mana coci – CAN | BBC Hausa

Published

on

Elrufai

Kungiyar mabiya addinin kirista reshen jihar Kaduna ta bayyana rashin jin dadinta dangane da yunkurin gwamnati na rusa cocin Anglican na Saint Geoges da ke Sabon garin Zaria, wadda aka gina a 1908.

An dai ce gwamnati na son rusa cocin ne da manufar fadada wata kasuwa da ke kusa da ita.

Shugaban kungiyar, Reverend John Hayab ya bayyana wa BBC cewa an sha yunkurin rusa majami`ar da nufin fadada kasuwar da ke makwabtaka da cocin ana fasawa saboda tarihinta.

“Yawancin wadanda suke shugabanci a yanzu ba a haife su ba lokacin da aka gina cocin”.

Reverend Hayab ya karyata cewa an bai wa cocin diyya “Muna zaune kawai sai muka ga wasika wai za a rushe coci saboda an biya kudin diyya. Ba bu wanda ya biya diyya”

“Na biyu wasikar kuma ba ta da kwanan wata a jikinta. Shi ya sa muke neman gwamnatin jihar ta Kaduna ta fada mana tana da masaniya kan wannan wasika idan ba haka ba kuma muna son ta hukunta duk mai hannu a al’amarin.”

  • Gobara ta tashi a Majami’ar Notre-Dame a Faransa
  • Da gaske ne gwamnatin Rivers ta rushe masallaci?

BBC dai ta yi kokarin tuntubar Kwamishinan harkokin cikin gida na jihar Kaduna, wanda shi ne mai magana da yawun gwamna, Mr Aruwan domin jin nasu bangaren, amma ba a yi nasara ba.

A Najeriya dai al`amuran da suka shafi addini ko ibada , kamar yadda masu lura da la`amura kan ce suna bukatar a yi kaffa-kaffa da su, sakamakon yadda suka haddasa kace-na-ce.

Ko da a `yan kwanakin baya ma, an yi ta kartar-kasa da murza gashin-baki tsakanin al`umar musulmi da gwamnatin jihar Rivers, bayan gwamnati ta share wani wuri da musulmin ke sallar juma`a.

Sai dai har zuwa yanzu dai gaskiyar maganar ta kasa fita. Yayin da musulmi ke cewa masallaci mallakinsu aka rusa, bangaren gwamnati kuma na cewa fili ne na Allah, kuma ba mallakin musulmin ba ne.

Facebook Comments
Continue Reading

Hausa

United ta sha dakyar a hannun FC Astana

Published

on

Mason Greenwood (number 26) is the first player born in the 2000s to score a senior goal for Manchester United

Hakkin mallakar hoto
Reuters

Image caption

Mason Greenwood (mai lamba 26) shi ne dan wasa na farko da aka haifa a shekarar 2000 da ya ci wa United kwallo

Dan wasan Manchester United Mason Greenwood, dan shekara 17, ne ya zura wa FC Astana kwallo daya tilo a raga a filin wasa na Old Trafford a Gasar Europa.

Greenwood mai sanya riga mai dauke da lamba 26, ya jefa kwallon ne a minti na 73 kuma wannan ne wasan na farko a babbar kungiyar United.

Sai dai hatta bayan da United ta ci wannan kwallon, ‘yan wasanta sun ci gaba da barar da damarmakin da suka samu.

A dayan wasan rukunin L, Partizan Belgrade ta yi 2-2 da AZ Alkmaar.

A ranar Lahadi ne United za ta kara da West Ham a Gasar Premier yayin wasanta na gaba da kungiyar AZ Alkmaar ranar 3 ga watan Oktoba.

Facebook Comments
Continue Reading
Advertisement
Advertisement

Trending

%d bloggers like this: