A ranar Alhamis, farin hayaki ta tashi daga bututun Sistine Chapel da ke birnin Vatican – wata alama da ke nuna cewa an zabi sabon Fafaroma a cocin Katolika.
Sabon Fafaroman zai maye gurbin marigayi Fafaroma Francis wanda ya rasu a watan da ya gabata yana da shekara 88 a duniya.
Duk da cewa an tabbatar da zabensa, an jinkirta bayyana sunansa a hukumance, yayin da jama’a ke ci gaba da dakon bayyanar sa daga babban tagar cocin St. Peter’s Basilica da ke Vatican.
Rahotanni sun bayyana cewa farin hayakin ya bayyana ne a rana ta biyu da aka gudanar da taron zaɓen Fafaroma da ake kira Conclave, da misalin karfe 1:00 na rana agogon Vatican.
Wannan na nuni da cewa daya daga cikin kardinalan da suka tsaya takarar ya samu yawan kuri’un da ake bukata – wato kashi biyu bisa uku (2/3) na masu zabe.
Cocin Katolika Ta Zabi Sabon Fafaroma
