Fafaroma Leo ya bayyana rashin jin daɗinsa kan yadda wasu shugabanni ke kashe biliyoyin kuɗi wajen gudanar da yaƙe-yaƙe, a wani jawabi da ya gabatar ba tare da tsoro ba a ƙasar Kamaru.
Wannan kalami na zuwa ne bayan da tsohon shugaban Amurka, Donald Trump ya sake sukar Fafaroman a karo na biyu ta shafinsa na sada zumunta.
Da yake jawabi a garin Bamenda da ke Kamaru, Fafaroma Leo, wanda shi ne Fafaroma na farko ɗan asalin Amurka, ya yi kakkausar suka ga yadda ake amfani da addini wajen cimma manufofi na siyasa, tattalin arziƙi da kuma harkokin soja.
Ya ce, “masu amfani da addinin da sunan ubangiji a harkokin soji da tattalin arziƙi da kuma neman cin nasara a siyasa,” suna haddasa rikice-rikice a duniya, inda ya yi gargaɗi kan haɗarin hakan.
A cikin jawabin nasa, ya ƙara da cewa, “…duniya na fama da wasu tsirarun azzalumai,”
Fafaroma Leo ya kuma nuna damuwa kan yawan kuɗaɗen da ake kashewa a yaƙe-yaƙe, inda ya soki abin da ya bayyana a matsayin rashin daidaito wajen fifita abubuwan da suka dace a duniya.
Fafaroma Leo Ya Soki Shugabanni Kan Kashe Kuɗaɗe A Yaƙe-Yaƙe
