Kocin Rangers, Steven Gerrard ya na daga cikin wanda Aston Villa ke son dauka, domin maye gurbin Dean Smith, wanda ta kora.
To sai dai kuma kungiyar na tuntubar wasu masu horar da tamaula koda Gerard ba zai amince da tayin da aka yi masa ba.
Mahukuntan Villa sun gamsu da aikin da Gerard ke gabatarwa a Rangers a karon farko da ya fara aikin horar da kwallon kafa.
Ana alakanta shi da cewar shine zai zama kocin Liverpool na nan gaba da zarar Jurgen Klopp ya ajiye aiki a Anfield.
Gerard mai shekara 41 yana da kyakkyawar alaka da babban jami’in Villa kuma tsohon kocin Rangers, Christian Purslow.
Villa na neman kocin da zai dora inda Smith ya tsaya, wadda za ta buga wasan gaba a Premier League da Brighton ranar 20 ga watan Satumba.
Ana alakanta aikin da kociyan tawagar Belgium, Roberto Martinez da na Denmark, Kasper Hjulmand.
Ana kuma cewar Villa tana sha’awar daukar mai horar da Southampton, Ralph Hasenhuttl da na Brighton, Graham Potter.