Real Madrid za ta ziyarci Glasgow, domin buga wasan sada zumunta da Rangers ranar 25 ga watan Yuli.
Shine wasan farko da Carlo Ancelotti zai ja ragamar Real Madrid a karo na biyu da zai horar da kungiyar.
Real din za ta kara da Rangers wadda ta lashe kofin gasar Scotland a kakar da ta kare tare, wadda tsohon dan wasan Liverpool, Steven Gerrard ke kocinta.
Real Madrid za ta yi wasan sada zumunta biyu ko uku, don shirin tunkarar kakar bana ta 2021/21, wadda za ta fara karawar farko da Alaves a La Liga ranar 14 ga watan Agusta.
Wasan karshe da kungiyoyin suka kara shine wanda Real Madrid ta doke Rangers 7-0 a European Cup.
Gerrard zai ja ragamar kungiyar wasan cike gurbin shiga gasar Champions, sakamakon da Rangers ta lashe kofin gasar Scotland a kakar da aka karkare.