Farashin litar mai ya kai ₦1450 a wasu  birane-birane dake Najeriya

Farashin man fetur ya ƙaru a wasu gidajen  mai a biranen Abuja, Lagos da Ibadan bayan ɗan ƙarin kuɗi da aka yi sakamakon tashin hankali a yankin  Gabas ta Tsakiya, wanda ya haifar da hauhawar farashin danyen mai.

Rahoton  da jaridar TheCable tayi  a ranar Lahadi ya nuna cewa wasu gidajen mai a Babban Birnin Tarayya (FCT) sun ɗaga farashinsu har  ya zuwa N1,400 a kowace lita.

AY Shafa ya  ƙara farashin daga N1,350 zuwa N1,395 a kowace lita, yayin da yayin da gidan mai na  Optima ya ɗaga  farashin daga N1,360 zuwa N1,450.

Empire dake Gwarinpa ya  ƙara daga N1,370 zuwa N1,450 a kowace lita a yayin da gidan man
Mobil dake  Kubwa ya ɗaga farashin daga N1,350 zuwa N1,400.

A Lagos ma farashin ya tashi. Conoil dake Ikorodu Garage yana sayar da man fetur a N1,400 kan kowace lita, daga N1,300 makon da ya gabata.  NNPC dake Berger ya ɗaga daga farashin daga N1,299 zuwa N1,380.
Bovas dake  Berger ya  ƙara daga N1,280 zuwa N1,400, yayin da MRS dake  Okota ke sayar man  akan N1,395 daga N1,310.
Total Energies dake  Okota ya  ɗaga  farashin daga N1,325 zuwa N1,385, yayin da AP dake  Ogba ya ƙara daga N1,295 zuwa N1,380.

A birnin  Ibadan, Ocean Breeze dake kan titinb Old Ife yana sayar da man fetur a N1,370 a kowace lita, daga N1,300 a ranar Asabar.

Sabbin hauhawar farashin sun biyo bayan ƙarin farashin da manyan dilalan mai t da ‘yan kasuwa suka yi, ciki har da matatar mai ta  Dangote da ta ɗaga farashin  daga N1,265 zuwa N1,350 a kowace lita.

Hakan ya biyo bayan tashin farashin danyen mai a duniya, inda  danyen mai nau’in Brent ya haura $104 a kowace ganga, yayin da WTI ke $99 a ranar 13 ga Satumba, 2026, sakamakon rikicin da ya ƙara tsananta a Gabas ta Tsakiya..