Attajirin da ya fi kowa arziki a Afirka, Aliko Dangote, ya shirya ware kashi ɗaya bisa uku na dukiyarsa domin ayyukan jin ƙai a matsayin wani ɓangare na tsarin gadon dukiyarsa.
Hakan ya fito ne ta bakin ƴarsa, Halima Dangote, wadda ke cikin amintattun mambobin Gidauniyar Aliko Dangote, a wata hira da ta yi da kafar Bloomberg.
Halima ta ce iyalan Dangote sun amince da shirin, wanda zai bai wa gidauniyar damar ci gaba da gudanar da ayyukan tallafa wa al’umma.
A halin yanzu, ana kiyasta dukiyar Aliko Dangote ta kai dala biliyan 35.1. Idan wannan ƙima ta ci gaba da kasancewa haka, adadin da zai ware domin ayyukan jin ƙai zai kai kusan dala biliyan 11.7.
Dangote Zai Ware Kashi Ɗaya Bisa Uku Na Dukiyarsa Don Ayyukan Jin Ƙai
