Batagarin matasa ɗauke da sanduna sun tare wa Obi hanya a Benue

Wasu gungun batagarin. matasa dauke da sanduna sun  tare ayarin jerin gwanon motocin, Peter Obi ɗan takarar shugaban ƙasa na  NDC a kan hanyar Gboko dake jihar Venue yayin da yake ƙoƙarin shiga jihar.

A cikin wasu bidiyo da Esther Umoh, mai daukar hoton Obi, ta wallafa a shafin ta na X a ranar Talata, an ga matasan suna bin jerin motocin ɗan takarar shugaban ƙasa na NDC a jihar ta Benue dake yankin arewa maso gabas.

Umoh ta ce “Wannan  titin zuwa Gboko ne an rufe hanyar gaba ɗaya. Mun sauka daga jirgi yanzu, kuma wannan ce kadai hanya daga filin jirgi zuwa cikin gari. Sun ce Peter Obi ba zai shiga cikin gari ba domin ya gana da mutanen da yake son gani. Wannan ba abin yarda ba ne. Ya kamata mu yi siyasa ba tare da sauka zuwa wannan matakin ba.”

Da yake magana da jaridar TheCable, Tersoo Kula, sakataren yada labarai na gwamnan Benue, Hyacinth Alia, ya ce bai san da lamarin ba.

Ya ce gwamnatin jihar ba ta da masaniya kan ziyarar Obi kuma ba ta goyonbbayan ta’addanci ko amfani da ‘yan daba. 
“Ba mu san ko yana cikin jihar ba ko a’a. Idan gwamnatin Benue za ta hana kowa ciki har da Peter Obi, me ya sa za ta yi amfani da ‘yan daba? Gwamnatin Benue ba ta yin haka. Ina ganin kawai ƙarya ce da ake ƙoƙarin jingina wa ubangida na,” in ji Kula.

‘DALILIN ZUWANA BENUE’
Da yake magana da ‘yan jarida bayan lamarin, Obi ya ce ya je jihar ne domin ya jajanta wa waɗanda rikice-rikicen tsaro suka shafa. 
“Na zo Benue ba don kamfen ba. Na zo ne kawai don zuwa wurin da mutane suka rasa rayukansu in jajanta musu, in nuna goyon baya gare su. Amma ku ga yadda siyasar mu ta lalace,” in ji Obi.