Wasu ƴan bindiga da ake zargin yan bangar siyasa ne sun kai hari kan ayarin motocin, Rotimi Amaechi tsohon gwamnan jihar Ribas kuma jigo a jam’iyar ADC.
Ƴan bindigar sun kai hari kan ayarin ne a tsakanin garuruwan Ubima da Omuanwa dake karamar hukumar Ikwerre ta jihar Ribas.
Tsohon ministan yaje mahaifarsa domin yin rijista a matsayin mamba a jam’iyar ADC.
Kafin Amaechi ya isa mahaifar tasa wajejen ƙarfe 12:15 na ranar Juma’a wasu da ake zargin yan bangar siyasa ne sun kafa shinge inda su ka riƙa hana duk wata mota dake ɗauke yan jam’iyyar ADC wucewa kafin daga bisani jami’an tsaro su fatattake su.
Tun da farko da wasu yan bangar siyasar sun cinna wuta a ofishin jam’iyyar ADC dake Ubima a karamar hukumar Ikwerre.
Wannan ya faru ne da daren ranar Alhamis gabanin ziyarar Amaechi har ila yau yan bindigar sun yi harbin kan me uwa da wabi a mahaifar ta Amaechi.
Amaechi ya yi Allah-wadai da harin kana ya godewa jami’an kan rawar da su ka taka wajen shawo kan rikicin.
