Jami’an tsaro na jihar Edo sun kama wani mutum mai suna Emmanuel Ovwarueso bisa zarginsa da fille kan diyarsa bisa zarginta da laifin kashe kudi a garin Benin na jihar Edo.
An kama wanda ake zargin ne a Uteh, Upper Mission, inda yake zaune a ranar Alhamis din da ta gabata da misalin tsakar dare tare da kam marigayiyar a cikin wata leda
An ce ya aikata wannan mummunan aiki, sai da ya daure matarsa inda ya aiwatar da kisan a gabanta.
Matarsa, wacce ba a bayyana sunanta ba a lokacin da aka buga wannan rahoton, ta ce, “Halin mijina ya canza kwanan nan. Ya ci gaba da cewa kada in kara kallonsa a matsayin talaka.
“A wurin aikinsa yana siya wa kowa abin sha kamar yana bikin. Hatta abokan aikinsa sun yi mamakin sabon salon kashe kudinsa.
“Har ya ce musu kudinsa na kusa. Ba mu taba sanin yana da shirin yin amfani da ’yarmu wajen yin asiri ba.”
