Rahotanni da suke fitowa daga arewa maso yammacin Najeriya a jiya na nuna cewa ƴan ta’adda sun kashe mutane sittin a ƙauyukan Jihar Zamfara.
Ƙauyukan da aka kai harin sun haɗa da Kurfa Danya, Kurfa Magaji Rafin Gero, Tungar Isa da Barayar Zaki a ƙananan hukumomin Bukkuyum da Anka.
Jaridar ta ruwaito cewa mazauna ƙauyukan sun tabbatar mata da aukuwar lamarin inda mazaunansu suka arce don neman tsira.
Jihar ta Zamfara na fama da hare-haren ta’addanci, waɗanda suka yi sanadiyar mutuwar dubban mutane tare da sace wasu da kuma raba su da muhallinsu.
