Jami’an hukumar EFCC dake yaki da masu yiwa tattalin arzikin ƙasa ta’annati sun kama, Mustapha Abdullahi shugaban hukumar makamashi ta Najeriya wato Energy Commission of Nigeria a turance kan zargin da ake masa ta almundahanar kuɗaɗe da yawansu ya kai naira biliyan ₦500.
A cewar jaridar The Cable. an kama, Abdullahi ne ranar Laraba a Abuja inda yake amsa tambayoyi ofishin a EFCC.
Ƙoƙarin da jaridar ta yi na jin ta bakin Dele Oyewale mai magana da yawun hukumar ta EFCC ya ci tura.
A watan Oktoban shekarar 2023 ne shugaban ƙasa, Bola Ahmad Tinubu ya naɗa Abdullahi a matsayin shugaban hukumar makamashin.
A cikin watan Disamba shekarar 2025 ne wata kungiya mai zaman kanta dake yaƙi da cin hanci da rashawa da kuma safarar miyagun kwayoyi ta gabatar da korafi gaban hukumar EFCC, shugaban ƙasa, Tinubu da kuma hukumar ICPC inda ta zargi Abdullahi da aikata almundahanar kuɗaɗe.
Kungiyar ta yi zargin cewa Abdullahi ya yi amfani da wasu kamfanoni wajen bayar da kwangilar saka fitulu dake amfani da hasken rana.
