Tottenham na kokarin kammala wata yarjejeniyar dawowa da tsohon dan wasanta Gareth Bale daga Real Madrid kafin a rufe kofar cinikin yan wasa.(Express).
Manchester United za ta iya raba gari da mai horar da ‘yan wasanta Ole Gunner Soskjaer, matsawar ba a samu wani sauyi ba ga sakamakon wasanni masu zuwa.
Wata majiya na cewa tuni an fara neman kociyan tawagar kwallon kafa ta Ingila Gareth Southgate a matsayin madadinsa.(Mail).
Barcelona ta dakata da neman dan wasan gaban Arsenal Pierre-Emerick Aubameyang a kakar bana, inda za ta mai da hankali kan dan wasan gaban Valencia Rodrigo Moreno(Sport).
A wata mai kama da haka PSG za ta ci gaba da neman Pierre-Emerick Aubameyang kafin a rufe kofa domin maye gurbin Edinson Cavani.(Foot Mercato – in French).
Rahotanni na cewa Atletico Madrid na shirin kasa Manchester United da Chelsea wurin sayen Edinson Cavani na PSG.(Goal.com).
An ruwaito cewa dan wasan ya bayyana Atletico Madrid a matsayin kungiyar da ya zabi ya koma da buga wasa.
Ita kuwa Arsenal ta na dab da kammala sayen mai tsaron bayan Flamengo na Brazil Pablo Mari.(Mail).
Har yanzu Manchester United na da sha’awar sayen Bruno Fernandez duk da cewa sun kasa cimma farashin da Sporting Lisbon ta sa kansa.(A Bola – in Portuguese).
Wasu rahotanni na cewa mai horar da Tottenham Jose Mourinho ya soki Inter kan shirinta na raba kungiyarsa da dan wasan tsakiyarta Christian Eriksen.