Manchester United na tattaunawa kan fadada filin wasanta na Old Trafford, domin yake daukar ‘yan kallo 80,000.
Ana sa ran wurin zama da ake kira da sunan Sir Bobby Charlton, shine za a yi wa gyare-gyare da dama.
Masu sukar Old Trafford – shine filin da ya fi cin ‘yan kallo a Ingila mai wurin zama 74,140, wanda aka dade ba a gyara ba – ana ta korafin wurin zama da ake kira Charlton Stand na digar ruwa daga saman rufin.
Rabon da a yi wa Old Trafford babban gyara tun 2006.
Tuni dai Manchester City da Arsenal suka koma sabbin filayen wasan da suka gina har da Tottenham a baya-bayan nan.
Liverpool ma na kan hanyar kawata filinta na Anfield, bayan da ta yi masa gyare-gyare a 2016, yanzu tana fatan fadada shi domin daukar karin ‘yan kallo don fuskantar kakar 2023/24.
[ad_2]