A Sake Kaiwa Tawagar Gwamnan Borno Hari

Majiyun Muryar Amurka sun bayyana cewa, gwamnan ya je Baga ne domin ci gaba da shirye shiryen maida ‘yan gudun hijira zuwa garuruwansu na asali, wadanda kungiyar Boko Haram ta raba da muhallansu tun 2014, bayan kafa kwamitin makonni biyu da suka gabata, karkashin jagorancin kwamishinan ma’aikatar shari’a na jihar Barrister Kaka Shehu Lawan.

Bisa ga majiyun harin bai hana gwamnan da tawagarsa isa Baga ba, inda suka kwana domin ci gaba da wannan shiri.

gwamnatin-barno-za-ta-maida-yan-gudun-hijran-baga-mazauninsu

gwamnatin-borno-ta-fara-maida-yan-gudun-hijira-gida

zulum-ya-ce-harin-da-aka-kai-kan-tawagarsa-zagon-kasa-ne

Shi dai gwamnan ya tafi Baga ne ta jirgi mai saukar angulu yayinda tawagar tasa suka tafi ta hanyar mota.

Maharan da ake kyautata zaton ‘yan kungiyar Boko Haram ne, sun kai wa tawagar harin ne a kauyen Cross Kawa da ke kusa da barikin sojan hadin guiwa da ya kunshi sojojin kasashen Chadi, Kamaru, da Nijar.

Idan ba a manta ba, kwanaki hudu da suka gabata, aka kaiwa jami’an sojoji hari a Damboa aka kashe babban kwamandan soja na garin Kanar Dahiru Bako.

Wannan ne karo na biyu da ake kaiwa tawagar gwamna Babagana Zulum hari cikin shekara guda.

More News

Gwamnan Kano ya sanya hannu kan dokar yin gwajin lafiya kafin aure

Gwamnan jihar Kano, Engr Abba Kabir Yusuf ya sanya hannu kan wata doka za ta tilastawa masu yin aure yin wasu gwaje-gwajen lafiya gabanin...

An kashe kwamandan soji a Katsina

An kashe kwamandan sojoji na wani sansanin soji da ke Sabon Garin Dan’Ali a karamar hukumar Danmusa a jihar Katsina a wani harin kwantan...

Magoya bayan APC da dama sun koma NNPP a Kano

Jam'iyar NNPP ta karɓi magoya bayan jam'iyar APC da dama a jihar Kano. Mataimakin gwamnan jihar Kano, Aminu Abdul Salam Gwarzo shi ne ya karɓi...

APC ta dakatar da Ganduje a matakin gunduma

Mambobin jam'iyyar APC a mazabar da ke Karamar Hukumar Dawakin Tofa a Jihar Kano sun dakatar da Shugaban Jam’iyyar APC na kasa Abdullahi Ganduje. ...