Magoya bayan NDC sun fatattaki ƴan daban da su ka kai musu farmaki a Lagos

An samu hargitsi da tashin hankali a ranar Alhamis yayin da magoya bayan jam’iyyar NDC suka fatattaki ’yan daba da suka kutsa cikin wurin da jam’iyar ke gudanar da taron jin ra’ayin jama’a a Oregun dake birnin Legas.

Mutanen da suke dauke da sanduna da adduna, wadanda ake zargin ’yan daba ne sun mamaye dakin taro na Classic Event Place da ke Oregun, inda ake sa ran Peter Obi, dan takarar shugaban kasa na jam’iyyar NDC, zai yi wa taron jawabi tare da Sanata Rabiu Kwankwaso, abokin takararsa.

Wasu daga cikin mutanen da ke cikin dakin taron sun ranta a na kare don neman tsira yayin da ’yan daban suka kutsa ciki, sai dai taron ya samu kwarin gwiwa lokacin da wasu matasa suka fara jifan maharan da kujeru.

Daga baya, wasu daga cikin magoya bayan NDC sanye da shudayen riguna da fararen huluna  sun kori wadanda ake zargin ’yan daban ne daga dakin taron, inda suka kama daya daga cikinsu a wurin ajiye motoci.

An ji wata murya daga baya tana cewa, “Ku yi masa duka,” yayin da matasan suka kewaye wanda ake zargi ɗaya ne daga cikin yan daban , suna dukansa da sanduna.

Daga bisani fusatattun matasan sun kutsa kan titin Kudirat Abiola Way, wani babban titi a birnin, yayin da ’yan sanda.

a suka rika harbi a sama don tarwatsa taron.
Har zuwa lokacin hada wannan rahoto, ba Obi ba Kwankwaso babu wanda ya iso wurin.