Tinubu ya dawo  Lagos  bayan shafe kwanaki masu yawa  a Turai

Shugaban Kasa,  Bola Tinubu ya dawo Najeriya bayan hutun aiki na makonni hudu a Turai. 

A cewar gidan talabiji na Channels , shugaban ya iso Lagos daga Paris, Faransa, a jirgin Air Force One na Najeriya, inda jirgin ya sauka a sashen shugaban kasa na filin jirgin sama na Murtala Mohammed da misalin ƙarfe 6:22 na yamma. 

Tinubu ya bar Najeriya a ranar 30 ga watan Agusta zuwa Landan kafin ya wuce Paris, inda ya yi gana da shugaban Faransa Emmanuel Macron, ciki har da liyafar abincin dare. 

Shugaban ƙasar ya samu tarba daga manyan jami’an gwamnati, ciki har da Babajide Sanwo-Olu, gwamnan Lagos; Femi Gbajabiamila, shugaban ma’aikatan fadar shugaban kasa; Tajudeen Abbas, kakakin majalisar wakilai; AbdulRahman AbdulRazaq, gwamnan Kwara; da kuma shugabannin tsaro, da sauransu.