Wata tawagar jami’an rundunar yan sanda na musamman dake aiki kai tsaye karkashin ofishin babban sifetan yan sandan Najeriya sun samu nasarar kama mutumin da ya yi amfani da fasahar AI wajen samar da muryar shugaban ƙasa Bola Ahmad Tinubu.
A kwanakin baya ne aka saki muryar da aka ce tattaunawa ce ta wayar tarho da shugaban kasa Bola Ahmad Tinubu.
A lokacin da aka fitar da muryar fadan shugaban ta ƙaryata labarin kana ta tabbatar da cewa za a yi duk mai yiyuwa domin lalubo inda maganar ta fito.
A karkashe jami’an tsaron sun samu nasarar kama Ikechukwu Dennis a garin Benin na jihar Edo bayan da aka yi amfani da fasaha wajen zakulo shi.
Mai magana da yawun shugaban ƙasa, Bayo Onanuga ne ya sanar da kama shi a cikin wani sako da ya wallafa.
