Sojoji sun dakile harin mayakan ISWAP kan wani sansanin soja a Borno

Dakarun rundunar sojan Najeriya sun samu nasarar dakile wani farmaki da ake zargin mayakan kungiyar yan ta’addan ISWAP  da kai wa kan wani sansanin soja dake Doron Baga a karamar hukumar Kukawa ta jihar Borno.

A cewar Zagazola Makama dake wallafa bayanai kan sha’anin tsaro a yankin tafkin Chadi yan ta’addan sun kai farmaki sansanin sojan da misalin karfe 02:12 na daren ranar Talata abun dai ya haifar da musayar wuta ta tsawon mintuna 55.

Makama ya bayyana cewa dakarun sojan sun nuna dagiya  kwarewa da ƙwazo a fafatawar da aka aka yi da ƴan ta’addan .

Wata majiyar jami’an tsaro  ta bayyana cewa  yan ta’adda da dama  dakarun sojan su ka kashe a yayin arangamar  tare da kwace makamai masu tarin yawa.

A ɓangaren sojojin ba a samu asarar rayuka ba da kuma na kayan aiki.