Rundunar ‘yan sandan jihar Bauchi ta kama wasu mutane uku da ake zargi da kashe wani dan sanda mai suna Bala Magaji a ranar 25 ga Yuli, 2023.

Jami’in hulda da jama’a na rundunar ‘yan sandan jihar, Ahmed Wakil, ne ya bayyana hakan a wata sanarwa da ya ba wa manema labarai ranar Laraba.

Ya ce an kashe Magaji, dan sandan da ke aiki a hedikwatar ‘yan sanda ta Darazo a lokacin da yake bakin aiki a Anguwar Abuja a kauyen Konkiyel.

Mista Wakili ytce, “Rundunar ‘yan sandan jihar Bauchi ta kama wasu mutane uku da ake zargi da hannu wajen kisan wani dan sanda a kauyen Konkiyel da ke karamar hukumar Darazo a jihar.

“An kai harin ne a ranar 25 ga Yuli, 2023, kan dan sanda Bala Magaji wanda ke aiki a hedikwatar ‘yan sanda ta Darazo, yayin da yake bakin aiki a Anguwar Abuja a kauyen Konkiyel.