Jami’an rundunar yan sanda na jihar Kebbi tare da haɗin gwiwar wasu hukumomin tsaro sun kashe wani da ake kira Jiji Mujugu wani da ake zargin gawurtaccen mai garkuwa da mutane ne biyo bayan wani farmaki da jami’an su ka kai a karamar hukumar Bagudo ta jihar.
A wata sanarwa da aka fitar mai magana da yawun rundunar yan sandan jihar Kebbi, SP Bashir Usman ya ce ɗaya daga cikin waɗanda ake zargi da aka kama ne ya jagoranci jami’an tsaro ya zuwa maɓoyar ta su.
A cewarsa a ƙoƙarin tserewa jami’an ne Mujugu ya buɗe wuta inda jami’an suka mayar da martani har ta kai ga an bindige shi har lahira.
Mai magana da yawun rundunar ya cigaba da cewa an kuma kama, wani mai suna Bube Tukur a maɓoyar ta su wanda shima abokin aikinsu ne
Ya ce binciken da aka gudanar ya nuna cewa gawurtaccen mai garkuwar da aka kashe da kuma wanda aka kama sun kasance mambobin nammm gungun wasu batagari su 8 da suka addabi al’ummo
Usman ya lissafo al’ummomin da abin ya shafa da suka haɗa da Geza, Adawa, Matsinkai, Sharabi, Illela, Suru da Dakin Gari dake karamar hukumar Bagudo.da kewayenta
