Tsofaffin sojoji  yan fansho sun gudanar da zanga-zanga a Abuja

Tsoffin sojoji da su ka yib ritaya sun gudanar da zanga-zanga a ranar Talata a hedikwatar Hukumar Kula da Fansho na Sojoji (MPB) da ke Kubwa, Abuja, saboda abin da suka bayyana a matsayin rashin daidaito a cikin kuɗaɗen fanshonsu bayan gwamnatin tarayya ta ƙara albashin  sojoji masu aiki.

Tsofaffin sojojin sun bukaci shugabannin MPB su yi bayani kan bambance-bambancen da suke gani a cikin kuɗaɗen fanshonsu tare da samar da gamsasshiyar mafita.

Sun bayyana cewa tsarin da aka yi amfani da shi wajen lissafin karin kuɗin bai nuna yadda ya kamata karin albashin da aka yi wa sojojin da ke aiki ba.

Shugaban MPB, Mikail Abdulraheemya gana da wakilan tsoffin sojojin da suka koka, ‘yan jarida da jami’an MPB domin tattauna matsalolinsu.

Abdulraheem ya ce a shirye ya ke  ya fayyace duk wata rashin fahimta da ke akwai, yana mai bayanin cewa ana lissafa kuɗaɗen fansho ne bisa jadawalin hukumar dake kayyade albashi ta kasa  kuma dokar  da kuma dokar gyaran fansho su  ke tsara yadda ake aiwatar da hakan.

Ya ce:

“Wannan dokar fansho ta fayyace yadda ya kamata a yi lissafin. Ko da mahaifina tsohon soja ne, kuma ni ma wata rana zan shiga sahun tsoffin sojoji, dole ne in bi wannan doka.”

Abdulraheem ya bukaci tsoffin sojojin da su yi lissafin fanshonsu bisa jadawalin NSIWC domin gano adadin kuɗin da suke ikirarin an cire musu.