Dakarun sojan Najeriya na rundunar, Operation Haɗin Kai sun kashe mayaƙan Boko Haram uku a ƙaramar hukumar Bama dake jihar Borno.
A cewar Zagazola Makama wani masani dake wallafa bayanai kan sha’anin tsaro a yankin tafkin Chadi ya ce an kashe mayaƙan ne lokacin da sojoji suke gudanar da aikin sintiri.
Ya ce an kashe ƴan ta’addar ne a ƙauyen Churchur a yayin musayar wuta lokacin da sojojin suke sintiri.
A wani farmakin na daban sojojin sun samu nasarar ceto mutane 9 da suka haɗa da mata uku da ƙananan 6 s sun kuma lalata sansanin mayaƙan na Boko Haram bayan da suka tsere.
Hakan na zuwa ne ƴan kwanaki bayan da sojoji suka kashe wasu mutane uku a wani samame da suka kai maɓoyar Boko Haram da kuma mayaƙan ISWAP a jihohin Borno da Katsina
