Aƙalla mutum shida sun rasa rayukansu a wani mummunan haɗarin mota da ya faru a kan hanyar Girei–Song a jihar Adamawa.
Hatsarin ya haɗa motar sojoji da kuma motar haya ta Hummer a ranar Laraba da rana, inda rahotanni suka ce motar haya ta kife tare da kama da wuta bayan haɗuwar.
Wannan lamarin ya yi sanadin mutuwar dukkan fasinjojin da ke cikin motar haya, ciki har da mambobi huɗu na hukumar NYSC da kuma wani fasinja.
Rundunar ‘Yan Sandan Jihar Adamawa ta tabbatar da aukuwar hatsarin ta bakin kakakinta, SP Suleiman Ngurore, inda ya ce lamarin ya faru ne a yankin Narehi da ke ƙaramar hukumar Girei–Song.
Ya bayyana cewa jami’an tsaro da na agajin gaggawa sun isa wajen, sannan an kai gawarwakin waɗanda suka mutu zuwa Asibitin Kwararru na Yola.
Ngurore ya ce ana ci gaba da bincike domin gano cikakken bayanin waɗanda abin ya shafa tare da sanar da iyalansu.
NYSC Huɗu, Soja Da Wani Mutum Sun Mutu a Hatsarin Mota A Adamawa
