Sanata Kaka Shehu Lawan ɗan majalisar dattawa na jam’iyyar APC daga Borno ya bayar da kyautar naira miliyan 135 ga shugabannin jam’iyar APC na mazaɓarsa.
Dan majalisar ya ce ya bayar da kuɗin ne domin suyi murnar bukukuwan babbar sallah dake ka zuwa.
Usman Alkali ɗaya daga cikin masu taimakawa sanatan ya tabbatar da kyautar a cikin wani sako da ya wallafa a shafinsa na Facebook.
Alkali ya ce wannan ne karo na uku da sanatan yake irin wannan kyauta ga shugabannin jam’iyar
“Mai girma sanata dake wakiltar mazaɓar Borno ta tsakiya, Sanata Kaka Shehu Lawan a ranar Alhamis ya raba jumullar kuɗi naira miliyan 135 ga shugabannin jam’iyar APC na mazaɓarsa ta tsakiyar Borno a matsayin gudunmawar bukukuwan Babbar Sallah,” a cewar sakon da ya wallafa.
” Wannan ne karo na uku da sanatan yake irin wannan kyautar tun lokacin da ya zama ɗan majalisar dattawa.”
