Gwamnatin Jihar Jigawa ta amince da ƙara mafi ƙarancin kuɗin fansho daga naira dubu 12 zuwa naira dubu 20 a kowane wata ga tsofaffin ma’aikatan gwamnati da na ƙananan hukumomi.
Hakan na daga cikin jerin shawarwarin da Majalisar Zartarwar Jihar ta amince da su a zamanta ƙarƙashin jagorancin Gwamna Umar Namadi.
Har ila yau, gwamnatin ta ware sama da naira biliyan tara domin ayyukan ci gaban lafiya, noma, kiwo, ilimi da agajin gaggawa, tare da umartar Hukumar Ba da Agajin Gaggawa ta jihar ta kai tallafi ga al’ummomin da guguwar iska ta shafa.
Jihar Jigawa Ta Ƙara Mafi Ƙarancin Fansho Zuwa N20,000
