Ba za a rage wa manyan ‘yan Chelsea albashi ba, a wannan lokacin na yaki da cutar Korona, amma ‘yan wasa za su bada gudunmuwa ga wasu kungiyoyin agaji.
A farkon wannan watan ne aka bayar da sanarwar cewa za a rage wa ‘yan wasan kashi 10 cikin 100 na albashinsu.
Amma yanzu wata sanarwa daga kungiyar ta ce ‘yan wasan za su karbi albashi yadda suka saba.
Haka kuma Chelsea ta ce za ta mayar wa ‘yan wasa kudin tikitinsu na kallon wasan da za a buga babu ‘yan kallo.
Sai dai ‘yan wasan Arsenal da kocinsu Mikel Arteta sun amince a rage musu albashi da kashi 12.5 cikin 100.