Gwamnan jihar Nasarawa,Umar Tanko Al-makura ya lashe tikitin jam’iyar APC na takarar sanata a mazabar Nasarawa ta kudu.
Shugaban kwamitin zaben Isamila Ahmed wanda ya samu wakilcin sakataren kwamitin, Ahmed Candido shine ya sanar da sakamakon zaben ranar Laraba a Lafiya.
Ahmed ya ce Al-makura ya lashe zaben da kuri’a 1,262 ya yin da abokin takararsa Salisu Egyegbola ya samu ƙuri’u 312.
Ya ce wakilai 1612 aka sa ran za su kada kuri’a a zaben amma 1608 aka tantance ya yin da 1594 suka kada kuri’a.
Haka kuma Al-makura ya bayyana farin cikinsa da sakamakon zaben inda ya sadaukar da nasarar da ya samu ga mutanen jihar.
Ya kuma yaba da daddakon da abokin takararsa ya nuna kan yadda ya karbi sakamakon zaben da kyakkyawar zuciya.
Gwamnan ya yi alkawarin ba zai bawa al’umma kunya ba matukar suka zabe shi a matsayin sanata mai wakiltar mazabar Nasarawa ta kudu a zabe mai zuwa.
