Farashin gangar ɗanyen man fetur ya karu zuwa dalar Amurka $95

Farashin gangar ɗanyan man fetur nau’in Brent ya ƙaru da kawo 5.38 cikin 100 ya zuwa dalar Amurka $95.7 kan kowace ganga a ranar Talata.

Shima farashin ɗanyen mai nau’in West Texas Intermediate(WTI) ya ƙaru da kaso 5.95 cikin 100 ya zuwa $90.86 kan kowace ganga.

Farashin shi ne mafi kololuwa da Brent ya kai tun ranar 24 ga watan July shi kuma WTI tun ranar 23 ga watan Yuli.

A cewar kamfanin dillancin labarai na Reuters karuwar farashin na zuwa ne dai-dai lokacin da yan kasuwa ke fargabar ƙarancin samun mai daga yankin Gabas ta Tsakiya biyo bayan sababbin hare-hare da Amurka ta kai kan ƙasar Iran.

A ranar Talata shugaban ƙasar Amurka, Donald Trump ya ƙaddamar da sababbin farmaki kan ƙasar Iran inda ake fargabar za a sake samun ɓarkewar rikici a tsakanin kasashen biyu.

A Najeriya ma farashin litar mai ya samu ƙarin farashi na kuɗin litar mai bayan da matatar mai ta Dangote ta ƙara farashin.