Hukumomi a Dubai sun sanar da dakatar da sauka da tashin jirage na ɗan lokaci domin tabbatar da lafiyar fasinjoji da ma’aikata.
Wannan mataki ya biyo bayan rahotannin da suka ce ma’aikatan agajin gaggawa sun shafe lokaci suna kokarin kashe wata gobara da ta tashi a wani wurin ajiyar mai, bayan harin jirgi maras matuƙi da ya lalata tankin mai.
Hukumomin sun kuma buƙaci fasinjoji da su tuntubi kamfanonin jiragen sama da suke hulɗa da su domin samun bayanai kan jadawalin tafiyarsu.
Kafin fara rikicin da Amurka da Isra’ila suka ƙaddamar kan Iran, filin jirgin saman Dubai na daga cikin mafi cunkoson fasinjoji a duniya, inda sama da mutum miliyan 90 suka yi amfani da shi a shekarar 2025.
Dubai Ta Dakatar Da Zirga-Zirgar Jirage Na Wucin Gadi Saboda Tsaro
