Hukumar EFCC da ke yaki da masu yiwa tattalin arzikin kasa ta’annati a Najeriya ta kama fitacciyar jarumar Kannywood, Samha M inuwa.
Jami’an hukumar da suka fito daga ofishinta na shiyar Kano ne suka kama jarumar kan zargin da ake mata na cin zarafin takardar kuɗin naira
Sanarwar da EFCC ta fitar ta bayyana cewa an kama Samha ne biyo wani fitar wani bidiyo da ta yi da ya nuna ta tana share majina da takardar ₦1000.
Biyo bayan bayyanar bidiyon ne jami’an hukumar suka dukufa inda suka fara bin diddigi har ta kai ga sun kamata domin ta amsa tambayoyin
” Yanzu haka tana tsare a wurin hukumar da ake tare mutane a yayin da ake cigaba da bincike,” a cewar sanarwar da EFCC ta fitar.
Sanarwar ta kara da cewa za a gurfanar da ita gaban kotu da zarar an kammala bincike.
