Hukumar EFCC dake yaki da masu yiwa tattalin arzikin ƙasa ta’annati ta mika tsohon ministan wutar lantarki, Engr Saleh Mamman gidan gyaran hali na Kuje dake Abuja.
Alkalin babban kotun tarayya dake Abuja mai shari’a, James Omotosho ne a ranar Talata ya umarci hukumar ta miƙa Mamman ya zuwa gidan gyaran halin daga inda take tsare da shi.
A ranar 7 ga watan Mayu ne wata kotu ta yanke wa tsohon ministan hukuncin ɗaurin shekaru 75 a gidan gyaran hali bayan da ta same shi da aikata l laifuka 12 da hukumar EFCC ke zargin sa da aikatawa.
Kotun ta yanke masa hukuncin ɗaurin shekaru 7 kan laifuka 10 da ake tuhumarsa a ya yi da aka yanke masa hukuncin shekaru 3 da shekaru biyu akan laifuka biyu.
Alkalin ya bayar da umarnin a kamo tsohon ministan bayan da aka yanke hukuncin ba tare da ya halarci zaman kotun ba.
A ranar 19 ga watan Mayu ne hukumar EFCC ta samu nasarar kamo shi a wani gida dake unguwar Rigasa a birnin tarayya Abuja.
