Jami’an hukumar EFCC dake yaki da masu yiwa tattalin arzikin ƙasa ta’annati sun samu nasarar kama tsohon ministan wutar lantarki, Engr Saleh Mamman bayan da suka ɗauki kwanaki suna nemansa ruwa a jallo.
An kama Mamman ne a ɓoye a wani gida dake unguwar Rigasa ta jihar Kaduna..
Shugaban hukumar EFCC, Ola Olukoyede ya faɗawa yan jarida cewa an kama Mamman ne da misalin karfe 03:30 na rana.
A makon da ya wuce wata kotu ta yanke wa tsohon ministan hukuncin ɗaurin shekaru 75 a gidan yarin bayan da ta same shi da aikata laifin almundahanar kuɗaɗe.
